واشنگٹن: امریکی محکمہ خارجہ نے کہا ہے کہ امریکانے انڈیا کو نو کروڑ ڈالر مالیت کا اسلحہ فروخت کرنے کی منظوری دے دی ہے۔ ان ہتھیاروں میں ٹینک شکن میزائل بھی شامل ہوں گے۔
یادرہے گذشتہ اکتوبر میں بھارتی وزیرِ اعظم نریندر مودی نے واشنگٹن میں امریکی صدر ڈونلڈ ٹرمپ سے ملاقات میں ایک فریم ورک معاہدے پر اکتوبر میں دستخط کیے تھے۔ اگلے 10 سالوں میں دفاعی تعاون کو بڑھانے کے لیے دونوں رہنماؤں نے دفاعی تعلقات کو آگے لے جانے کا عہد کیا تھا۔
صدر ٹرمپ نے انڈیا پر زور دیا ہے کہ وہ مزید امریکی ساختہ ہتھیار خریدے۔اگرچہ روس، انڈیا کے لیے ہتھیاروں کی سپلائی کا سب سے بڑا ذریعہ ہے، لیکن یہ شرح 2017 اور 2023 کے درمیان 62 فیصد سے کم ہو کر 34 فیصد رہ گئی ہے۔دوسری طرف امریکاکے ساتھ انڈیا کی دفاعی تجارت 20 ارب ڈالرز تک پہنچ گئی ہے۔ جو امریکاکو روس اور فرانس کے بعد اسلحہ فراہم کرنے والا تیسرا بڑا ملک بناتا ہے۔