بھارت اور نیوزی لینڈ کے درمیان پانچ ٹی ٹوئنٹی میچوں کی سیریز کا چوتھا مقابلہ ایڈن پارک، آکلینڈ میں کھیلا گیا، جس میں نیوزی لینڈ نے شاندار کارکردگی کا مظاہرہ کرتے ہوئے بھارت کو 87 رنز سے شکست دے دی۔ اس فتح کے باوجود بھارت کو پانچ میچوں کی سیریز میں 3-1 کی برتری حاصل ہے۔ٹاس جیت کر بھارت نے پہلے فیلڈنگ کرنے کا فیصلہ کیا، جو نیوزی لینڈ کے بلے بازوں کے طوفانی کھیل کے سامنے غلط ثابت ہوا۔ کیوی ٹیم نے مقررہ 20 اوورز میں 7 وکٹوں کے نقصان پر 259 رنز کا پہاڑ جیسا ہدف کھڑا کیا۔گلین فلپس نے شاندار اور دھواں دھار بیٹنگ کرتے ہوئے صرف 49 گیندوں پر 10 چھکوں اور 6 چوکوں کی مدد سے 107 رنز کی ناقابلِ شکست اور سنچری اننگز کھیلی۔
-
مائیکل بریسویل نے بھی صرف 25 گیندوں پر 6 چھکوں اور 4 چوکوں کی مدد سے 65 رنز کی طوفانی اننگز کھیل کر رن ریٹ کو آسمان تک پہنچایا۔
-
فن ایلن نے 31 اور ڈیرل مچیل نے 24 رنز کا یگردان ڈالا۔
-
بھارت کی جانب سے میانک یادو نے 3 کھلاڑیوں کو آؤٹ کیا، تاہم وہ مہنگے ثابت ہوئے جبکہ ارشدیپ سنگھ، نتیش کمار ریڈی، اکشر پٹیل اور پرنس یادو کے حصے میں ایک ایک وکٹ آئی۔
-
260 رنز کے ہدف کے تعاقب میں بھارتی ٹیم شروع ہی سے دباؤ کا شکار رہی اور مقررہ 20 اوورز میں 9 وکٹوں کے نقصان پر صرف 172 رنز ہی بنا سکی۔
-
بھارت کی طرف سے تلک ورما نے سب سے زیادہ 35 رنز بنائے۔
-
نمن دھیر نے 28 اور ابھیشیک شرما نے 27 رنز کی اننگز کھیلی۔ کپتان اور دیگر اہم بلے باز بڑی اننگز کھیلنے میں ناکام رہے۔
-
نیوزی لینڈ کی جانب سے باؤلنگ میں جیکب ڈفی نے تباہ کن بولنگ کا مظاہرہ کرتے ہوئے صرف 23 رنز دے کر 4 وکٹیں حاصل کیں۔ میتھیو فشر اور مچل سانٹنر نے 2 جبکہ ایڈم ملن نے 1 وکٹ حاصل کی۔
شاندار سنچری بنانے والے گلین فلپس کو ‘میچ آف دی میچ’ قرار دیا گیا۔
