سیالکوٹ (سلیم احمد اعوان شیخو)
سیالکوٹ میں ماہِ ستمبر 2026ء کے دوران قتل و غارت گری کے واقعات میں تشویشناک اضافہ دیکھنے میں آیا ہے، جہاں صرف ایک ماہ کے اندر قتل کی 6 مختلف وارداتیں رپورٹ ہوئی ہیں۔تفصیلات کے مطابق:2 ستمبر: اگوکی وزیرآباد روڈ پر مسلح افراد نے فائرنگ کرکے نوجوان لڑکی کو قتل کر دیا۔9 ستمبر: اڈا شہباز خان کے قریب فائرنگ کے واقعے میں عثمان نامی نوجوان جاں بحق ہو گیا۔15 ستمبر: کوٹلی لوہاراں میں مبینہ طور پر باپ نے اپنی 3 سالہ معصوم بیٹی کو قتل کر دیا۔22 ستمبر: گوکی میں غیرت کے نام پر بھائیوں نے اپنی بہن فاطمہ کو قتل کر دیا۔24 ستمبر: کشمیر روڈ پر نامعلوم افراد نے 50 سالہ شخص کو چھڑیوں کے وار کرکے قتل کر دیا۔26 ستمبر: ڈسکہ کے علاقے میترانوالی میں فائرنگ کے واقعے میں ذیشان بٹ نامی نوجوان کو قتل کر دیا گیا۔شہر میں بڑھتے ہوئے جرائم پر شہریوں نے شدید تشویش کا اظہار کیا ہے۔ واضح رہے کہ یہ اعداد و شمار صرف قتل کے واقعات کے ہیں، جبکہ اس کے علاوہ جنسی زیادتی، بد اخلاقی، چوری اور ڈکیتی کی متعدد وارداتیں الگ سے رپورٹ ہو رہی ہیں۔