دیربالا(بیورو چیف ریاض ابوالخیل)
دیر بالا: ڈسٹرکٹ پولیس آفیسر دیر بالا اسلم نواز (PSP) کی خصوصی ہدایات پر حالیہ سیکیورٹی صورتحال کے پیش نظر ضلع دیر بالا میں امن و امان کی صورتحال برقرار رکھنے کے لیے پولیس کی جانب سے وسیع پیمانے پر سرچ اینڈ سٹرائیک آپریشنز اور ناکہ بندیوں کا سلسلہ جاری ہے۔ آپریشنز میں ایلیٹ فورس، سی ٹی ڈی، ڈی ایس بی اور دیگر نفری پولیس نے بھرپور حصہ لیا۔آپریشنز کا مقصد سماج دشمن اور جرائم پیشہ عناصر کے خلاف کریک ڈاؤن اور علاقے میں پائیدار امن کو یقینی بنانا ہے۔ اس دوران پولیس نے مختلف حساس مقامات پر کارروائیاں کرتے ہوئے اشتہاری ملزمان کے گھروں پر قانونی تقاضوں کے مطابق چھاپے بھی مارے۔ پولیس نے علاقہ مشران سے ملاقاتیں کر کے انہیں ہدایت دی کہ کسی بھی مشکوک یا اجنبی فرد کی فوری اطلاع پولیس کو دیں، جس پر علاقہ مشران نے مکمل تعاون کی یقین دہانی کرائی۔