شیخوپورہ (رپورٹ اسامہ طفیل)
شیخوپورہ میں سالانہ حضرت امام حسینؑ امن کانفرنس کا انعقاد کیا گیا جس میں شرکت کے لیے صوبائی وزیر اطلاعات عظمیٰ بخاری شیخوپورہ پہنچ گئیں کانفرنس میں ایم پی اے پیر محمد اشرف رسول، ڈی پی او شیخوپوره بلال ظفر ڈپٹی کمشنر شیخوپوره شاہد عمران مارتھ اور سیاسی، سماجی، مذہبی صحافتی شخصیات سمیت مختلف مکاتبِ فکر کے نمائندگان نے بڑی تعداد میں شرکت کی کانفرنس سے خطاب کرتے ہوئے صوبائی وزیر اطلاعات عظمیٰ بخاری نے کہا کہ حضرت امام حسینؑ کی تعلیمات امن، رواداری، بھائی چارے اور اتحاد کا درس دیتی ہیں۔ انہوں نے کہا کہ ملک دشمن قوتیں مختلف طریقوں سے معاشرے میں انتشار پیدا کرنے کی کوشش کرتی ہیں لیکن ہم سب نے مل کر اپنے ملک، صوبے اور ضلع کے امن کو برقرار رکھنا ہے عظمیٰ بخاری کا کہنا تھا کہ سوشل میڈیا پر مذہبی منافرت پھیلانے، کسی فرقے، جلوس یا مذہبی اجتماع کو نشانہ بنانے کی ہرگز اجازت نہیں دی جائے گی