ٹانک (بیورو رپورٹ)
سابق رکن صوبائی اسمبلی اور جمعیت علماء اسلام کے رہنما محمود احمد خان بیٹنی کی خصوصی کاوشوں سے ایکشن کمیٹی ٹانک کے صدر پیر سلیم کی قیادت میں ایک وفد نے سابق وفاقی وزیر مولانا اسعد محمود سے ملاقات کی اور ضلع ٹانک میں جاری غیر اعلانیہ اور طویل بجلی لوڈشیڈنگ کے مسئلے سے آگاہ کیا۔ملاقات کے دوران مولانا اسعد محمود نے فوری طور پر چیف پیسکو خیبر پختونخوا سے ٹیلیفونک رابطہ کرکے ٹانک میں بجلی کی ناروا بندش اور عوام کو درپیش مشکلات سے آگاہ کیا اور فوری ریلیف فراہم کرنے کا مطالبہ کیا، جس پر چیف پیسکو نے جلد عملی اقدامات اور عوام کو ریلیف دینے کی یقین دہانی کرائی۔
اس موقع پر سابق ایم پی اے محمود احمد خان بیٹنی نے کہا کہ جمعیت علماء اسلام نے ہمیشہ ٹانک کے عوام کی بلا تفریق خدمت کی ہے اور عوامی مسائل کے حل کیلئے ہر فورم پر آواز بلند کی ہے۔ انہوں نے کہا کہ عوام کی خدمت کیلئے کسی عہدے کی نہیں بلکہ خلوص نیت اور عوامی درد رکھنے کی ضرورت ہوتی ہے۔