برائیوں کی عکاسی اور اسکے خاتمے کے لیے میڈیا کا کردار قابل ستائش ہے ، میر عبدالرحمن مینگل

سکھر ( رپورٹ/ عبد الرحمان راجپوت ) آل سکھر تاجر اتحاد کے صدر میر عبدالرحمن مینگل نے کہا ہے کہ معاشرتی معاشرتی برائیوں کی عکاسی اور اسکے خاتمے کے لیے میڈیا کا کردار قابل ستائش ہے فوٹو گرافر ہو یا کیمرہ مین شہری مسائل سمیت معاشرتی برائیوں کے لیے کام کرکے انسانیت کی خدمت کررہے کیمرہ مین اینڈ فوٹو جرنلسٹ ایسوسی ایشن (پریس کلب) سکھر کے دفتر میںکیمرہ مین اینڈ فوٹو جرنلسٹ ایسوسی ایشن کے ممبران سے ملاقات کے دوران کیا ، ملاقات میں کیمرہ مین اینڈ فوٹو جرنلسٹ ایسوسی ایشن کے صدر عمران شیخ سمیت دیگر عہد ے داروں میں آصف اعوان ، حیات کھوکھر ، بلال بھٹی ، نعیم غوری کفایت سمیجو ، شاہ ولی خان ، عبدالحمید سمیت دیگر ممبران شریک تھے جبکہ آل سکھر تاجر اتحاد کے وفد میںتاجر اتحاد کے جنرل سیکرٹری شبیر میمن، سینیئر نائب صدر حاجی پرویز چنا۔ موبائل مارکیٹ یونین کے صدر عمار فاروقی، پریس شفیق قریشی، فیاز احمد خلجی،طارق علی مہر شاہ سمیت دیگر ممبران موجود تھے، آل سکھر تاجر اتحاد کے وفدکو کیمرہ مین اینڈ فوٹو جرنلسٹ ایسوسی ایشن کے صدر عمران شیخ سمیت دیگر عہد ے داروں نے سندھ کا روایتی تحفہ اجرک پیش کیا اور انہیں کیمرہ مین اور فوٹو گرافروں کو درپیش مشکلات و دفتری امور سے آگاہ کیامیر عبدالرحمن مینگل نے کیمرہ مین اینڈ فوٹو جرنلسٹ ایسوسی ایشن کے ممبران کی فلاح و بہبود کیلئے ڈیڑھ لاکھ روپے فنڈ دینے کا اعلان کیا۔