رپورٹ مجیب کھوسو
جیکب آباد/ٹھل میں مبینہ فائرنگ سے نوجوان جاں بحق، بااثر وڈیرے کے بیٹے پر نشے میں فائرنگ کا الزام، پولیس نے اتفاقی موت کا مقدمہ درج کرلیاجیکب آباد کی تحصیل ٹھل میں مبینہ فائرنگ کے پراسرار واقعے میں ایک نوجوان جان سے ہاتھ دھو بیٹھا اے سیکشن تھانے کی حدود گاؤں عودی میں فائرنگ کے نتیجے میں نوجوان نعمان ولد فیض محمد میمن جاں بحق ہوگیا۔ مکینوں کے مطابق مقامی بااثر وڈیرے کے بیٹے نے مبینہ طور پر نشے کی حالت میں فائرنگ کی، جس کی زد میں آکر نوجوان موقع پر ہی دم توڑ گیا۔واقعے کی اطلاع ملتے ہی پولیس موقع پر پہنچی اور لاش کو تحویل میں لے کر تعلقہ اسپتال ٹھل منتقل کیا، جہاں ضروری کارروائی کے بعد میت ورثا کے حوالے کردی گئی۔ذرائع کے مطابق مقتول کو گولیاں لگنے کے باوجود پولیس نے واقعے کو“اتفاقی گولی چلنے”کا رنگ دیتے ہوئے مقدمہ درج کرلیا۔ تھانے پر مقتول اجمل عرف نعمان میمن کے چچا محمد واصل میمن کی مدعیت میں اتفاقی موت کا مقدمہ درج کیا گیا ہے۔