غازی پیر قبرستان میلسی میں مرکری لائٹس نصب، اہلِ علاقہ کا اظہارِ تشکر

میلسی ( تحصیل رپورٹر سجاد سحر) سٹی پریس کلب میلسی کی نشاندہی پر غازی پیر قبرستان میلسی میں مرکری لائٹس آویزاں کر دی گئیں، جس سے قبرستان میں روشنی کا مؤثر انتظام ممکن ہو گیا۔ اہلِ علاقہ نے اس اقدام کو خوش آئند قرار دیتے ہوئے کہا کہ رات کے وقت قبرستان آنے والے شہریوں کو اب سہولت میسر آئے گی۔
شہریوں اور اہلِ محلہ نے اس عوامی مسئلے کے حل پر چیف آفیسر بلدیہ میلسی اویس اقبال کی کارکردگی کو سراہتے ہوئے ان کا شکریہ ادا کیا۔ اس موقع پر اہلِ علاقہ کا کہنا تھا کہ سٹی پریس کلب میلسی نے عوامی مسائل کی بروقت نشاندہی کر کے ذمہ دار اداروں کی توجہ مبذول کرائی، جس کے مثبت نتائج سامنے آئے ہیں۔
عوامی و سماجی حلقوں نے امید ظاہر کی کہ بلدیہ میلسی آئندہ بھی شہری مسائل کے حل کیلئے اسی جذبے کے ساتھ اقدامات جاری رکھے گی۔