بلوچستان رحمت اللہ بلوچ بیوروچیف بے نقاب)عدالت سیملزم فرار کروانے کی معاونت دو پولیس اہلکار کی شبہ پر دونوں اہلکاروں پر مقدمہ درج کردیا گیا۔ ایس ایس پی حب مرزا بلال حسن کی ہدایات پر انسپکٹر علی احمد زہری سمیت دو پولیس آفیسران پر مقدمہ درج کردیا گیا ۔ 21 مئی 2026 کو عدالتِ ڈسٹرکٹ اینڈ سیشن جج حب میں زیرِ التوا مقدمہ کے فیصلہ سنائے جانے اور ملزم کو سزا ہونے کے بعد، سزا یافتہ ملزم شہزاد بھوتانی کے احاطہ عدالت سے فرار ہونے کا افسوسناک واقعہ پیش آیا۔واقعہ کا نوٹس لیتے ہوئے ڈسٹرکٹ پولیس حب کی جانب سے فوری طور پر تحقیقات کا آغاز کیا گیا۔ دورانِ تفتیش عدالتی احکامات کی روشنی میں حاصل شدہ فوٹیجز اور ویڈیو ریکارڈنگ کے تجزیہ سے یہ بات سامنے آئی کہ چند افراد کی مبینہ ملی بھگت سے ملزم کے فرار ہونے میں معاونت کی گئی۔ڈسٹرکٹ پولیس نے فوری قانونی کارروائی عمل میں لاتے ہوئے ایسے افراد کے خلاف مقدمات درج کرکے گرفتاریاں عمل میں لائی ہیں، جو سزا یافتہ ملزم کی فراری میں براہِ راست یا بالواسطہ طور پر ملوث پائے گئے۔ مزید تفتیش جاری ہے اور واقعہ کے تمام پہلوں کا باریک بینی سے جائزہ لیا جا رہا ہے۔مزید برآں، ملزم کی احاطہ عدالت سے بآسانی فراری کے واقعہ میں غفلت برتنے پر پولیس اہلکار انسپکٹر علی اکبر زہری، اے ایس آئی غلام سرور اور ہیڈ کانسٹیبل رائیس کے خلاف بھی مقدمہ درج کر لیا گیا ہے، ذرائع کے مطابق فرار ہونے والا ملزم بسیمہ اور نواحی علاقے شیرینزہ میں پیش آنے والی متعدد وارداتوں میں مطلوب تھا اور اس پر ایک خاتون کے اغوا سمیت دیگر سنگین جرائم میں ملوث ہونے کے الزامات عائد کیے جاتے رہے ہیں۔
