شاپنگ ایریا میں بھیڑیے کا وحشیانہ حملہ، خاتون لہولہان؛ پورے شہر میں خوف و ہراس

برلن :جرمنی کے دوسرے بڑے شہر ہیمبرگ میں ایک بھیڑیے نے شاپنگ ایریا میں ایک خاتون پر حملہ کر دیا۔
فائر سروسز کے عملے نے بتایا کہ پیر کی شام پیش آنے والے اس غیر معمولی واقعے کے بعد اس خاتون کو ہسپتال منتقل کر دیا گیا۔ تاہم اس کے بعد اس خاتون سے متعلق اب تک کوئی خبر موصول نہیں ہوئی اور زخم کی نوعیت کے حوالے سے بھی کوئی تفصیلات فراہم نہیں کی گئی ہیں۔
یہ واقعہ شہر کے مرکزی علاقے میں واقع ایک ٹرین اسٹیشن کے قریب ایک مصروف شاپنگ ایریا میں پیش آیا۔ اسی رات پولیس کو شہر کے مختلف علاقوں میں ایک بھیڑیے کی موجودگی کی اطلاعات ملتی رہی تھیں، جس کے بعد اہلکاروں نے اس بھیڑیے کو شہرکے وسط میں واقع آلسٹر جھیل سے پکڑ کر شہر کے مضافات میں ایک محفوظ مقام پر منتقل کر دیا۔