لندن :امریکا اور اسرائیل کی ایران کے ساتھ ممکنہ جنگ بندی کے امکانات کے بعد عالمی منڈی میں خام تیل کی قیمتوں میں نمایاں کمی دیکھی گئی ہے۔
غیر ملکی میڈیا رپورٹس کے مطابق امریکی اور برطانوی خام تیل کی قیمتوں میں 5 فیصد سے زائد کمی ریکارڈ کی گئی۔
امریکی خام تیل 5.24 فیصد کمی کے ساتھ 87.51 ڈالر فی بیرل پر فروخت ہو رہا ہے، جبکہ برطانوی خام تیل کی قیمت میں 6 فیصد سے زائد کمی دیکھنے کو ملی اور یہ 98 ڈالر فی بیرل پر فروخت ہو رہا ہے۔
واضح رہے کہ گزشتہ روز بھی عالمی مارکیٹ میں خام تیل کی قیمتیں گر گئی تھیں، تاہم بعد میں قیمتوں میں اضافہ بھی ریکارڈ کیا گیا تھا۔ ماہرین کا کہنا ہے کہ عالمی سیاسی صورتحال اور ممکنہ جنگ بندی کے اشارے مارکیٹ کی اتار چڑھاؤ میں کلیدی کردار ادا کر رہے ہیں۔