غزہ : جنگ بندی کے باوجود اسرائیلی فورسز کے فضائی اور زمینی حملوں کا سلسلہ جاری ہے، گزشتہ 24 گھنٹوں کے دوران اسرائیلی حملوں میں مزید 9 فلسطینی شہید جبکہ 55 زخمی ہوگئے۔
A vehicle transporting food to a charitable kitchen in Tel al-Hawa in Gaza City is bombed by the israelis, killing three Palestinian people https://t.co/wbEfaO8Oc9
— Sarah Wilkinson (@swilkinsonbc) November 21, 2026
فلسطینی سرکاری نیوز ایجنسی وفا کے مطابق غزہ سٹی کے جنوب مغربی علاقے تل الہوا میں اسرائیلی جنگی طیاروں نے ایک گاڑی کو نشانہ بنایا، جس کے نتیجے میں تین فلسطینی شہید جبکہ متعدد زخمی ہوگئے۔
گزشتہ سال غزہ میں جنگ بندی کے نفاذ کے بعد سے اسرائیلی حملوں میں شہید ہونے والے فلسطینیوں کی تعداد بڑھ کر ایک ہزار 674 ہوگئی ہے، جبکہ زخمیوں کی تعداد 6 ہزار 65 سے تجاوز کرچکی ہے۔
محکمہ صحت کے حکام کا کہنا ہے کہ غزہ میں انسانی بحران بدستور سنگین ہے جبکہ طبی اور امدادی اداروں کو متاثرہ علاقوں تک رسائی میں مشکلات کا سامنا ہے۔


