چائنا سدرن ایئر لائنز کا چھ سال بعد گوانگژو اور دہلی کے بیچ پروازوں کی بحالی کا اعلان

نئی دہلی: بھارت اور چین کے بیچ ہوائی سفر کرنے والے مسافروں کے لیے ایک بڑی اور راحت بخش خبر ہے۔ چین کی اہم ایئرلائن کمپنی ‘چائنا سدرن ایئرلائنز’ نے آنے والی 21 ستمبر سے گوانگژو اور نئی دہلی کے درمیان اپنی باقاعدہ پروازیں دوبارہ شروع کرنے کا بڑا اعلان کیا ہے۔ کورونا کی وبا اور دونوں ممالک کے درمیان پیدا ہونے والے سرحدی تنازع کی وجہ سے یہ فضائی سروس گذشتہ چھ برسوں سے مکمل طور پر بند تھی۔ کمپنی اس خطے میں آٹھ راؤنڈ ٹرپ روٹس پر ہر ہفتے 100 سے زیادہ پروازیں چلانے کا منصوبہ بنا رہی ہے۔