واٹر ریسکیو ٹیموں نے جائے وقوعہ پر رسپانس کرتے ہوئے باڈی کی تلاش کے لئے سرچ اینڈ ریسکیو آپریشن شروع کر دیا
خوشاب (خصوصی رپورٹ)
ڈسٹرکٹ آفیسر ریسکیو خوشاب علی حسین نے میڈیا کو بتایا کہ ریسکیو کنٹرول روم خوشاب کو آج دن 11 بجکر 56 منٹ پر ڈاؤننگ ایمرجنسی کی کال موصول ہوئی کہ ایک نوجوان دریائے جہلم میں جوئیہ کے مقام پر نہاتے ہوئے ڈوب گیا۔ واقعہ کی اطلاع ملتے ہی واٹر ریسکیو ٹیموں نے جائے وقوعہ پر رسپانس کرتے ہوئے باڈی کی تلاش کے لئے سرچ اینڈ ریسکیو آپریشن شروع کر دیا۔ ڈسٹرکٹ آفیسر ریسکیو کے مطابق ڈوبنے والے 20 سالہ رضا خان کا تعلق خوشاب سٹی سے بتایا جاتا ہے واٹر ریسکیو آپریشن میں دو ایمرجنسی وہیکلز اور 11 ریسکیو عملہ پر مشتمل ٹیمیں خدمات سر انجام دے رہی ہیں۔