سیالکوٹ (سلیم احمد اعوان شیخو)
پولیس نے متعدد سنگین وارداتوں میں ملوث وہابا گینگ سرغنہ 2 ساتھیوں سمیت گرفتار کر لیا۔بتایا گیا ہے کہ تھانہ ہیڈ مرالہ کے علاقہ میں وہابا گینگ ڈکیتی،راہزنی و دیگر سنگین نوعیت کی وارداتوں میں ملوث تھا اور یہ گینگ پولیس کے لئے سر درد بنا ہوا تھا کہ مخبری ہونے کی بناء پر مذکورہ تھانہ کے ایس ایچ او سیٹھ وقاص علی نے اے ایس آئی عمران یوسف اور سب انسپکٹر عثمان حیدر اور اے ایس آئی رحمت علی و نفری کے ہمراہ چھاپہ مار کر وہابا گینگ کے سرغنہ وہاب عرف وہابا اور اس کے 2 ساتھیوں معظم اور ابو حنظلہ کو گرفتار کر کے ان کے قبضہ سے لاکھوں روپے مالیت کی ڈکیتی و راہزنی کی وارداتوں میں چھینی گئی موٹر سائیکلیں و زیورات وغیرہ برآمد کر لئے۔پولیس مقدمہ درج کر کے تفتیش شروع کر دی ہے۔