عید الاضحیٰ پر ‘ستھرا پنجاب’ کا ریکارڈ: 103 فیصد ٹارگٹ مکمل، صوبہ بھر میں صفائی کا مثالی آپریشن

لاہور: عید الاضحیٰ کے پہلے روز پنجاب بھر میں صفائی اور سیکیورٹی کا ایک تاریخی اور کامیاب آپریشن مکمل کر لیا گیا۔ وزیراعلیٰ پنجاب مریم نواز شریف کی براہِ راست نگرانی میں ‘ستھرا پنجاب’ اور ‘سیف سٹی اتھارٹی’ کے باہمی اشتراک سے 1200 سے زائد قربان گاہوں سمیت پورے صوبے میں صفائی کا 103 فیصد ٹارگٹ کامیابی سے مکمل کر لیا گیا۔
ڈیجیٹل مانیٹرنگ اور فیلڈ میں متحرک انتظامیہ وزیراعلیٰ مریم نواز شریف نے عید کے دن بھر صفائی اور سیکیورٹی آپریشن کی ڈیجیٹل مانیٹرنگ کی۔ ان کے حکم پر تمام کمشنرز، ڈپٹی کمشنرز اور اسسٹنٹ کمشنرز شدید گرمی کے باوجود فیلڈ میں موجود رہے اور ہر قدم پر آپریشن کی نگرانی کی۔ سیف سٹی اتھارٹی نے ڈرون کیمروں اور سی سی ٹی وی کی مدد سے گنجان آباد علاقوں اور تنگ گلیوں میں آلائشوں کی موجودگی کی فوری نشاندہی کی، جس کے بعد ستھرا پنجاب کے ورکرز نے فوری کارروائی کرتے ہوئے انہیں ٹھکانے لگایا۔
اس آپریشن کے دوران عید کے پہلے روز ایک لاکھ 20 ہزار ٹن سے زائد ویسٹ کولیکشن کا نیا ریکارڈ قائم کیا گیا۔ ستھرا پنجاب کے ورکرز نے تقریباً 19 لاکھ کلومیٹر کے وسیع رقبے کو کور کیا اور ایک ہزار کلومیٹر سے زائد سڑکوں کو دھو کر صاف کیا۔ آپریشن کی کامیابی کا اندازہ اس بات سے لگایا جا سکتا ہے کہ صوبے بھر میں سوا کروڑ ڈی گریڈ ایبل (Biodegradable) پلاسٹک بیگز تقسیم کیے گئے، اور ہر قربان گاہ سے آلائشیں شام سے قبل ہی کولیکشن پوائنٹس تک پہنچا دی گئیں۔
اس صفائی مہم کی خاص بات یہ ہے کہ اسے صرف بڑے شہروں تک محدود نہیں رکھا گیا، بلکہ تونسہ، میلسی اور جنوبی پنجاب کے دور دراز دیہات سمیت اوکاڑہ، قصور، بھکر، لیہ اور میانوالی جیسے تمام اضلاع میں بھی صفائی کا معیار مثالی رہا۔ دیہات کے باسیوں نے پہلی بار آلائشیں اتنی سرعت سے ہٹائے جانے پر وزیراعلیٰ مریم نواز شریف کا شکریہ ادا کیا۔
وزیراعلیٰ کی ہدایت پر چاند رات سے ہی مساجد اور عید گاہوں کی خصوصی صفائی کی گئی تھی اور انہیں عرقِ گلاب سے معطر کیا گیا تھا، جس پر شہریوں نے انتظامیہ کی فرض شناسی پر زبردست خراجِ تحسین پیش کیا۔شہریوں کا کہنا ہے کہ ماضی کے برعکس اس بار عید کے پہلے روز ہی شہروں اور دیہات میں صفائی کا نظام انتہائی فعال اور مستعد رہا، جس نے عوام کو تعفن اور گندگی سے نجات