واشنگتن: امریکی سیاسی تاریخ میں پہلی بار ایک نیا سنگِ میل عبور کرتے ہوئے 100 سے زائد ڈیموکریٹ خواتین کو ایوانِ نمائندگان (House of Representatives) کے لیے منتخب کر لیا گیا ہے۔ خواتین کی سیاسی نمائندگی اور بااختیار بنانے کی تاریخ میں اس کامیابی کو ایک بہت بڑا انقلاب قرار دیا جا رہا ہے۔
حالیہ انتخابی نتائج کے بعد سیاسی حلقوں میں اس کامیابی کے چرچے ہیں، اور اسے امریکی جمہوریت میں خواتین کی بڑھتی ہوئی سیاسی شمولیت کی ایک روشن مثال قرار دیا جا رہا ہے۔
سابق اسپیکر نینسی پلوسی اور دیگر سرکردہ ڈیموکریٹ رہنماؤں نے اس تاریخی کامیابی پر انتہائی مسرت کا اظہار کرتے ہوئے کہا ہے کہ یہ اس بات کا منہ بولتا ثبوت ہے کہ جب خواتین کو ملکی قیادت کے مساوی مواقع فراہم کیے جاتے ہیں تو وہ نئی تاریخ رقم کرتی ہیں۔
سیاسی تجزیہ کاروں کے مطابق، اس شاندار کامیابی کے پیچھے "Elect Democratic Women” (EDW) اور "EMILY’s List” جیسی اہم تنظیموں کی برسوں کی طویل مدتی کوششیں اور منظم حکمت عملی کارفرما ہے، جنہوں نے کانگریس میں خواتین امیدواروں کی جیت کو یقینی بنانے میں کلیدی کردار ادا کیا۔