خان پور (رانا عبدالغفارراجپوت تحصیل رپورٹر سے) : تھانہ ظاہر پیر پولیس اور ڈاکوئوں کے درمیان فائرنگ کا تبادلہ، ایک ڈاکو ہلاک ہوگیا۔ پولیس پارٹی نے ناکہ بندی کے دوران مشکوک موٹر سائیکل سواروں کو روکنے کی کوشش کی تو ڈاکوئوں نے فائرنگ کر دی۔ فائرنگ کے تبادلے کے دوران ایک نامعلوم ڈاکو ہلاک ہوگیا۔ ہلاک ڈاکو کے قبضے سے چوری شدہ موٹر سائیکل اور ناجائز اسلحہ بھی برآمد کر لیا گیا۔ہلاک ڈاکو کے فرار ساتھیوں کی گرفتاری کے لیے علاقے میں سرچ آپریشن جاری ہے۔
