نوجوان پر خنجر سے حملہ، صرافہ ایسوسی ایشن کا ملزمان کی گرفتاری کے لیے احتجاجی مظاہرہ

شہدادپور (رپورٹ عمران قمر )
قربانی کا جانور گھر کے باہر باندھنے پر پڑوسیوں کا نوجوان پر خنجر سے حملہ، صرافہ ایسوسی ایشن کا ملزمان کی رفتاری کے لیے احتجاجی مظاہرہ، شٹر ڈاؤن ہڑتال کی دھمکی۔تفصیلات کے مطابق شہدادپور میں سونار (صرافہ) ایسوسی ایشن کی جانب سے دو دن قبل ہاؤسنگ سوسائٹی میں قربانی کا جانور کھڑا کرنے کے تنازع پر خنجروں کے حملے میں زخمی ہونے والے نوجوان عبدالصمد چوہان کے ملزمان کو، کیس درج ہونے کے باوجود، گرفتار نہ کیے جانے کے خلاف صرافہ بازار سے سخت نعرے بازی کرتے ہوئے ایک احتجاجی ریلی نکالی گئی اور پریس کلب کے سامنے مظاہرہ کیا گیا۔اس موقع پر زخمی نوجوان کے والد محمد جاوید چوہان، بابر علی، منور سونار، ذاکر سونار، بلال سونار اور دیگر نے میڈیا سے گفتگو کرتے ہوئے کہا کہ شہدادپور پولیس ملزمان کو گرفتار کرنے کے بجائے انہیں تحفظ فراہم کر رہی ہے۔ عبدالصمد چوہان پر خنجر کے وار کرنے والے مرکزی ملزم ممتاز دل کو پولیس نے مبینہ طور پر رشوت لے کر آزاد کر دیا ہے اور اسے گرفتار نہیں کیا جا رہا انہوں نے مزید بتایا کہ زخمی نوجوان اس وقت نوابشاہ کے ہسپتال میں داخل ہے اور اس کی حالت تشویشناک ہے۔مظاہرین نے آئی جی سندھ، ایس ایس پی سانگھڑ اور دیگر اعلیٰ حکام سے مطالبہ کیا ہے کہ ملزمان کو فوری طور پر گرفتار کر کے انصاف فراہم کیا جائے، بصورت دیگر احتجاج کا دائرہ وسیع کرتے ہوئے شٹر ڈاؤن ہڑتال کی جائے گی۔