ٹانک (بیورو رپورٹ)
ڈسٹرکٹ پریس کلب ٹانک کے وفد نے صدر سید بادشاہ کنڈی اور جنرل سیکرٹری حاجی کفایت اللہ پراچہ کی قیادت میں ضلع ٹانک کے نو تعینات ڈپٹی کمشنر جمشید خان سے ان کے دفتر میں ملاقات کی اور انہیں ضلع ٹانک میں ذمہ داریاں سنبھالنے پر خوش آمدید کہا۔ اس موقع پر پریس کلب کے وفد کی جانب سے ڈپٹی کمشنر کو روایتی پگڑی پہنائی گئی اور نیک تمناؤں کا اظہار کرتے ہوئے ان کی تعیناتی کو ضلع کیلئے خوش آئند قرار دیا گیا۔
ملاقات کے دوران ضلع ٹانک میں جاری ترقیاتی منصوبوں، عوامی مسائل، صحافی برادری کو درپیش مشکلات اور سرکاری اداروں کے درمیان باہمی روابط کو مزید مؤثر بنانے کے حوالے سے تفصیلی گفتگو کی گئی۔ وفد نے اس امید کا اظہار کیا کہ نئی ضلعی انتظامیہ عوامی فلاح و بہبود اور ترقیاتی عمل کو مزید تیز کرے گی۔
