ہالا رپوٹ عامر انڑ
سروری فارما میڈیکل اسٹور ایسوسی ایشن ہالا کے چیئرمین وسیم میمن، وائس چیئرمین نیاز میمن، صدر تحسین میمن، وائس صدر ارشد میمن، جنرل سیکریٹری سنجی لوہانا اور فنانس سیکریٹری فیصل راجپوت نے پریس کانفرنس کرتے ہوئے کہا کہ تین روز قبل نئے تعینات ہونے والے ڈی ایچ او سے ملاقات کے دوران ہالا شہر میں میتھاڈون جیسی نشہ آور اور جعلی ادویات کی فروخت سے متعلق شکایات سے آگاہ کیا گیا، جس کے بعد فوری طور پر شہر کے تمام میڈیکل اسٹور مالکان کا اہم اجلاس طلب کیا گیا۔رہنماؤں نے کہا کہ اجلاس کے دوران تمام میڈیکل اسٹور مالکان کو سختی سے ہدایات جاری کی گئی ہیں کہ کسی بھی صورت میں نشہ آور یا جعلی ادویات کی فروخت میں ملوث نہ ہوں، کیونکہ ایسی غیرقانونی سرگرمیاں نہ صرف نوجوان نسل کے مستقبل کے لیے خطرہ ہیں بلکہ انسانی جانوں سے کھیلنے کے مترادف ہیں