جیکب آباد رپورٹ مجیب کھوسو
جیکب آباد پولیس کا معرفانی گینگ کے خلاف شکارپور کی حدود میں آپریشن ایس ایس پی جیکب آباد کیپٹن (ر) فیضان علی کے احکامات پر جیکب آباد پولیس کی بھاری نفری نے ضلع شکارپور کے تھانہ جہان واہ کی حدود میں معرفانی گینگ کے خلاف آپریشن کیا۔جیکب آباد پولیس نے ضلع شکارپور پولیس کے ہمراہ مشترکہ کارروائی کرتے ہوئے جہان واہ کے علاقے میں معرفانی گینگ کے خلاف سرچ اینڈ کومبنگ آپریشن کیا۔ملزمان اغواء، ڈکیتی، پولیس مقابلوں اور دیگر سنگین جرائم میں ملوث ہیں اور قانون نافذ کرنے والے اداروں کو مطلوب ہیں، جن کی گرفتاری کے لیے آپریشن جاری ہے۔آپریشن ڈرونز، بکتر بند گاڑیوں، جدید مشینری اور تکنیکی و ہومن انٹیلیجنس کی بنیاد پر کیا جا رہا ہے، جبکہ علاقے کا مکمل گھیراؤ کرکے مختلف مقامات پر سرچ آپریشن جاری ہے۔آپریشن کے دوران ملزمان اور ان کے سہولت کاروں کے گھروں، اوطاقوں، کمین گاہوں اور مورچوں کو مسمار کرکے نذرِ آتش کردیا گیا۔