نواب شاہ (رپورٹ: نفیس آرائیں)
نواب شاہ آرٹس کونسل آف شہید بینظیر آباد کے بانی و صدر عزیز الحسن صدیقی اور دیگر عہدیداران نے کوئٹہ کے علاقے چمن پھاٹک کے قریب جعفر ایکسپریس پر ہونے والے حملے کی شدید الفاظ میں مذمت کرتے ہوئے کہا ہے کہ دشمن پاکستان کو کمزور کرنے کی جو مذموم سازشیں کر رہا ہے، وہ کبھی کامیاب نہیں ہوں گی۔انہوں نے کہا کہ افواجِ پاکستان اور پوری پاکستانی قوم دشمن کے ناپاک عزائم کو خاک میں ملانے کی مکمل صلاحیت رکھتی ہے۔نواب شاہ آرٹس کونسل کی ایگزیکٹو کمیٹی کے چیئرمین نفیس احمد آرائیں نے حملے کی مذمت کرتے ہوئے کہا کہ جو قوم عظیم قربانیوں کے بعد معرضِ وجود میں آئی ہو، وہ وطن کے دفاع کے لیے ہر قربانی دینے کا حوصلہ رکھتی ہے۔