قراقرم ایکسپریس غیر معمولی تاخیر کا شکار رہی، مسافروں کو شدید پریشانی کا سامنا

رپورٹ: ملک جابر عبّاس، ملتان)
قراقرمایکسپریس غیر معمولی تاخیر کا شکار رہی، جس کے باعث مسافروں کو شدید پریشانی اور گھنٹوں انتظار کا سامنا کرنا پڑا۔
ذرائع اور مسافروں کے مطابق بہاولپور ریلوے اسٹیشن پر ٹرین کا اصل مقررہ وقت رات 9 بج کر 47 منٹ تھا، تاہم ٹرین شدید تاخیر کے باعث رات تقریباً 2 بجے بہاولپور پہنچی۔ اسی طرح کراچی پہنچنے کا مقررہ وقت تقریباً رات 11 بجے تھا، مگر ٹرین غیر معمولی تاخیر کے بعد اگلے روز شام تقریباً 6 بجے کراچی ریلوے اسٹیشن پہنچی۔
ٹرین کی مسلسل تاخیر کے باعث خواتین، بزرگوں اور بچوں سمیت متعدد مسافروں کو شدید مشکلات کا سامنا کرنا پڑا اور کئی افراد طویل وقت تک انتظار کرتے رہے۔ مسافروں نے شکایت کی کہ بروقت معلومات فراہم نہ کیے جانے سے ان کے سفری منصوبے متاثر ہوئے۔
دوسری جانب ریلوے انتظامیہ کی جانب سے ٹرین کی غیر معمولی تاخیر کی وجوہات کے حوالے سے فوری طور پر کوئی واضح مؤقف سامنے نہ آ سکا۔