چودہریوں نے دو بھائیوں کے گھروں پر ڈنڈوں سے حملہ کر کے اہل خانہ کو زدوکوب کیا

سیالکوٹ (سلیم احمد اعوان شیخو) تھانہ پھوکلیان کے علاقہ جنگورہ میں چودہریوں نے دو بھائیوں کے گھروں پر ڈنڈوں و سوٹوں سے حملہ کر کے اہل خانہ کو زدوکوب کیا۔بتایا گیا ہے کہ تھانہ پھوکلیان کے علاقہ جنگورہ میں چودہری میاں فیض،چودہری میاں جعفر اور چودہری میاں عنائیت تینوں بھائیوں کی اولادوں نے اپنے 15/20 ساتھیوں کے ہمراہ اپنے علاقہ کے رہائشی دو بھائیوں محمد اکرم اور محمد شمس کے گھروں پر پرانی رنجش کی بناء پر ڈنڈوں و سوٹوں سے حملہ کر کے اہل خانہ کو زدو کوب کیا اور سنگین و خطرناک نتائج کی دھمکیاں دیں۔یاد رہے کہ کچھ عرصہ قبل مذکورہ تھانہ کے علاقہ دیاورہ میں بعض حملہ آوروں نے فائرنگ کرکے ایک نوجوان کو ٹانگ سے معذور کر دیا تھا۔تھانہ پھوکلیان کے علاقوں میں روز بروز بدمعاشی و غنڈہ گردی بڑھتی جا رہی ہے لیکن پولیس اس بدمعاشی و غنڈہ گردی پر قابو پانے میں عدم دلچسپی کا مظاہرہ دیکھا رہی ہے۔