نواب شاہ (رپورٹ: نفیس آرائیں)
رضا آباد کالونی میں دو دوستوں کے درمیان ہونے والی معمولی نوک جھونک المناک سانحے میں تبدیل ہوگئی،جہاں تلخ کلامی اور ہاتھا پائی کے دوران لگنے والے مکے اور دھکے 18 سالہ نوجوان کی جان لے گئے۔ذرائع کے مطابق حسن رضا گورچانی اور شعیب راجپوت کے درمیان مذاق مذاق میں شروع ہونے والا جھگڑا شدت اختیار کرگیا، جس دوران ہاتھا پائی کے نتیجے میں حسن رضا اچانک بے ہوش ہوکر زمین پر گر پڑا۔ تشویشناک حالت میں اسے فوری طور پر دوڑ اسپتال منتقل کیا گیا، تاہم معالجین نے معائنے کے بعد اس کے جاں بحق ہونے کی تصدیق کردی
واقعے کی اطلاع ملتے ہی دوڑ پولیس اسپتال پہنچ گئی اور ضروری قانونی کارروائی کے ساتھ واقعے کی مختلف پہلوؤں سے تحقیقات کا آغاز کردیا۔