نامعلوم مسلح افراد نے مانگی پولیس کے ایس ایچ اوکو دو رشتہ داروں سمیت اغوا کر لیا

بلوچستان رحمت اللہ بلوچ بیوروچیف بے نقاب) ذرائع کے مطابق ضلع ہرنائی مانگی کے مقام سے نامعلوم مسلح افراد نے مانگی پولیس کے ایس ایچ او مسعود پانیزئی کو ان کے دو رشتہ داروں، اشرف پانیزئی اور جاوید پانیزئی سمیت اغوا کر لیا ہے اور انہیں اپنے ساتھ کسی نامعلوم مقام پر لے گئے ہیں۔ اس واقعے کے بعد علاقے میں سیکیورٹی صورتحال انتہائی کشیدہ ہو گئی ہے اور قانون نافذ کرنے والے اداروں کی جانب سے مغویوں کی بازیابی کے لیے کوششیں شروع کر دی گئی ہیں۔
دوسری جانب ہرنائی ہی کے ایک اور واقعے میں نامعلوم مسلح افراد نے پاکستان پیپلز پارٹی (پی پی پی) ہرنائی کے ضلعی جنرل سیکرٹری ملک شین ترین کو بھی اغوا کر کے اپنے ہمراہ لے گئے ہیں۔ اس تشویشناک واقعے کی تصدیق پیپلز پارٹی کے ضلعی صدر محمد یاسین ترین نے کی ہے، جس کے بعد پارٹی رہنماؤں اور کارکنان میں تشویش پائی جارہی ہے۔