جی ایم سی ہسپتال سکھر میں ایم ایس ڈاکٹر احمد مجتبیٰ کا مثالی اقدام، شدید گرمی میں خود فیلڈ میں متحرک

سکھر (رپورٹ: عبد الرحمان راجپوت) جی ایم سی ہسپتال سکھر میں ایم ایس ڈاکٹر احمد مجتبیٰ کا مثالی اقدام، شدید گرمی میں خود فیلڈ میں متحرکجی ایم سی ہسپتال سکھر میں آج ایک مثالی اور قابلِ تحسین منظر دیکھنے میں آیا، جہاں میڈیکل سپرنٹنڈنٹ ڈاکٹر احمد مجتبیٰ نے شدید گرمی اور چلچلاتی دھوپ کے باوجود خود میدان میں نکل کر ہسپتال کے انتظامی امور کی نگرانی کی۔ ان کے اس اقدام کو مریضوں، تیمارداروں اور ہسپتال عملے کی جانب سے بے حد سراہا جا رہا ہے۔تفصیلات کے مطابق ڈاکٹر احمد مجتبیٰ نے ہسپتال میں مریضوں کو بہتر سہولیات کی فراہمی کو یقینی بنانے کے لیے مختلف شعبوں کا اچانک دورہ کیا۔ انہوں نے ہسپتال کی چھتوں پر چڑھ کر بجلی کے تاروں، ٹرانسفارمرز اور برقی نظام کا تفصیلی معائنہ کیا تاکہ شدید گرمی کے موسم میں بجلی کی بلا تعطل فراہمی جاری رکھی جا سکے اور مریضوں کو کسی قسم کی پریشانی کا سامنا نہ ہو۔