سکھر ( رپورٹ / عبد الرحمان راجپوت ) سکھر اسپورٹس کلب سکھر میں رنگ بال کے حوالے سے ایک شاندار اور معلوماتی ورکشاپ سمیت مقابلوں کا انعقاد کیا گیا۔جس میں گورنمنٹ ماڈرن ہائی اسکول گورنمنٹ بیدل بیکس گرلز ہائی اسکول گورنمنٹ آباد لاکھا اسکول کے طلباء وطالبات سمیت کھیلوں سے وابستہ افراد نے بڑی تعداد میں شرکت کی۔ ورکشاپ کا مقصد رنگ بال کھیل کو فروغ دینا، طلباء وطالبات میں کھیلوں کے رجحان کو بڑھانا اور صحت مند سرگرمیوں کی اہمیت کو اجاگر کرنا تھا۔اس موقع پر مہمانِ خاص میر محمد کلہوڑو، ڈپٹی ڈائریکٹر اسپورٹس سکھر ڈویژن نے خطاب کرتے ہوئے کہا کہ کھیلوں کی سرگرمیاں معاشرے میں مثبت سوچ، نظم و ضبط اور صحت مند ماحول کو فروغ دیتی ہیں۔ انہوں نے کہا کہ موجودہ دور میں نوجوان نسل کو منفی سرگرمیوں سے دور رکھنے کے لیے کھیلوں کا انعقاد انتہائی ضروری ہے، کیونکہ کھیل جسمانی صحت کے ساتھ ذہنی سکون اور خود اعتمادی پیدا کرنے میں بھی اہم کردار ادا کرتے ہیں۔حکومت سندھ اور محکمہ اسپورٹس نوجوانوں کو کھیلوں کی بہترین سہولیات فراہم کرنے کے لیے عملی اقدامات کر رہے ہیں تاکہ ٹیلنٹ کو سامنے لایا جا سکے اس موقع رنگ بال فیڈریشن کے سیکریٹری جنرل رشید گل نے ورکشاپ کے دوران شرکاء کو رنگ بال کھیل کے اصول، تکنیک اور جدید اندازِ تربیت سے آگاہ کیا گیا ورکشاپ آرگنائزر فضیلہ اشرف اور تبسم مغل تھیں۔اس موقع پر دیگر مھمانان گرامی راشدہ گل،ڈسٹرکٹ اسپورٹس آفیسر نثار احمد چانڈیو،اظہرہ جمال،ڈاکٹر سعید اعوان,نظیر حسین منگی،علی نواز شاہ،مشتاق احمد اور آفیشلز میں سید فھم علی،محمد عمر،سید فرحت نقوی،محمد حذیفہ تھے۔
