چیئرمین ڈائریکٹر سندھ پولیس اسپورٹس بورڈ سید پیر محمد شاہ نے سندھ پولیس اسپورٹس بورڈ سیکریٹریٹ کا دورہ کیا

بیورو چیف سخاوت رند سے
چیئرمین ڈائریکٹر سندھ پولیس اسپورٹس بورڈ سید پیر محمد شاہ نے سندھ پولیس اسپورٹس بورڈ سیکریٹریٹ کا دورہ کیا۔ اس موقع پر ڈپٹی سیکریٹری سندھ پولیس اسپورٹس بورڈ سعید احمد آرائیں نے ان کا استقبال کیا۔ دورے کے دوران چیئرمین / ڈائریکٹر سندھ پولیس اسپورٹس بورڈ نے جوڈو کرائے اور ایتھلیٹکس کے کوچز سے ملاقات کی اور کھیلوں کی سرگرمیوں تربیتی امور اور جاری کیمپوں سے متعلق تفصیلی تبادلہ خیال کیا۔ بعد ازاں انہوں نے دفتری امور اور مختلف اسپورٹس کیمپس کے انعقاد کے حوالے سے ضروری ہدایات جاری کیں۔چیئرمین ڈائریکٹر نے ہدایت کی کہ شہدا سندھ پولیس کو خراج عقیدت پیش کرنے کے سلسلے میں جلد سندھ پولیس نیٹ بال کیمپ اور نمائشی میچ کا انعقاد کیا جائے۔ علاوہ ازیں جون کے مہینے میں جوڈو اور کرائے کے تربیتی کیمپس کے انعقاد سے متعلق بھی ضروری اقدامات کرنے کی ہدایت دی گئی۔بعد ازاں چیئرمین / ڈائریکٹر نے پیڈل کورٹ اور پولیس گرانڈ کا بھی معائنہ کیا۔اور متعلقہ انتظامی و سہولتی امور کے حوالے سے ڈپٹی سیکریٹری کو مناسب ہدایات جاری کیں ۔