کراچی(قیصر راجہ راجپوت بیورو آفس سندھ )
صوبائی وزیر محنت سعید غنی اور وزیر ثقافت و سیاحت سید ذوالفقار علی شاہ کے درمیان ملاقات میں 9 مئی کو نشانِ پاکستان پر منعقد ہونے والی معرکہ حق کی پہلی سالگرہ کی تقریب کے انتظامات کا جائزہ لیا گیا۔ اجلاس میں سیکریٹری ثقافت خیر محمد کلوڑ اور ڈی جی ثقافت حبیب اللہ میمن بھی موجود تھے۔سعید غنی نے کہا کہ تقریب میں نامور فنکاروں اور مختلف شعبہ ہائے زندگی سے تعلق رکھنے والی شخصیات شرکت کریں گی، جبکہ کراچی کے عوام سے افواجِ پاکستان سے اظہارِ یکجہتی کیلئے بھرپور شرکت کی اپیل بھی کی۔ سید ذوالفقار علی شاہ نے کہا کہ معرکہ حق کی تاریخی فتح کو شاندار انداز میں منایا جائے گا۔