اسلام آباد سمیت خیبر پختونخوا کے مختلف شہروں میں زلزلہ، شہری خوفزدہ،شدت 5.5 درجے ریکارڈ کی گئی

اسلام آباد :وفاقی دارالحکومت اسلام آباد اور پشاور سمیت خیبرپختونخوا کے مختلف شہروں میں صبح سویرے زلزلے کے جھٹکے محسوس کیے گئے، جن کی شدت 5 اعشاریہ 5 ریکارڈ کی گئی، چترال سے سوات، چارسدہ اور غذر میں بھی زمین کانپ اٹھی۔
زلزلہ پیما مرکز کے مطابق وفاقی دارالحکومت اسلام آباد سمیت پاکستان کے مختلف علاقوں میں زلزلے کے جھٹکے محسوس کیے گئے، جس کی شدت 5.5 ریکارڈ کی گئی۔
زلزلہ پیما مرکز کے مطابق صبح سویرے آنیوالے زلزلے کی گہرائی 199 کلو میٹر ریکارڈ کی گئی، زلزلے کا مرکز افغانستان میں ہندوکش ریجن تھا۔
زلزلے کے جھٹکے اسلام آباد کے علاوہ پشاور، چترال، سوات، لوئر دیر، ملاکنڈ، خیبر، چارسدہ، غذر، بونیر، بٹگرام، اپر دیر اور ہری پور میں بھی محسوس کیے گئے۔
زلزلہ پیما مرکز کے مطابق زلزلے کا مرکز کوہ ہندوکش تھا جبکہ زلزلے کی شدت 5 ریکارڈ کی گئی۔