کورٹینا ڈی امپیزو، اٹلی : میلانو کورٹینا 2026 ونٹر اولمپکس کے دوران امریکہ کی مایہ ناز اسکیئر لنڈسے وان (Lindsey Vonn) خواتین کے ‘ڈاؤن ہل’ (Downhill) مقابلے میں ایک خطرناک حادثے کا شکار ہو گئی ہیں۔
41 سالہ تجربہ کار اسکیئر اپنی رن کے آغاز میں ہی توازن برقرار نہ رکھ سکیں اور تیز رفتاری کے باعث ٹریک سے باہر جا گریں۔
BREAKING: U.S. skiing veteran Lindsey Vonn crashes at the Winter Olympics; medevac’d by helicopter pic.twitter.com/77dLn3pwKl
— BNO News (@BNONews) February 8, 2026
حادثہ اتنا شدید تھا کہ ریس کو فوری طور پر روک دیا گیا اور طبی ٹیموں نے ٹریک پر ہی انہیں ابتدائی طبی امداد فراہم کی۔ لنڈسے وان کو فوری طور پر ہیلی کاپٹر (Medevac) کے ذریعے قریبی ہسپتال منتقل کر دیا گیا ہے۔ ابھی تک ان کی چوٹوں کی نوعیت کے بارے میں حتمی تفصیلات سامنے نہیں آئی ہیں، تاہم ابتدائی رپورٹس کے مطابق وہ شدید تکلیف میں تھیں۔
یادرہے کہ لنڈسے وان صرف ایک ہفتہ قبل سوئٹزرلینڈ میں ہونے والے ایک ورلڈ کپ ایونٹ کے دوران بھی حادثے کا شکار ہوئی تھیں جس میں ان کے بائیں گھٹنے کا ACL مکمل طور پر ٹوٹ گیا تھا۔ اس کے باوجود انہوں نے ناقابلِ یقین ہمت کا مظاہرہ کرتے ہوئے گھٹنے پر بریس (Brace) لگا کر اولمپکس میں حصہ لینے کا فیصلہ کیا تھا۔