کوئٹہ: فرنٹیئر کور بلوچستان (نارتھ) کی 68 ویں لیڈیز بیچ کی شاندار پاسنگ آؤٹ پریڈ منعقد ہوئی جس میں مہمانِ خصوصی کور کمانڈر بلوچستان کو پرتپاک انداز میں خوش آمدید کہا گیا۔
بلوچستان کے مختلف علاقوں سے تعلق رکھنے والی 89 باہمت خواتین نے اپنی تربیت کامیابی سے مکمل کرکے ایف سی بلوچستان نارتھ میں باقاعدہ شمولیت اختیار کر لی۔ لیڈی سولجرز کو بلوچستان اور پاکستان کا فخر اور نوجوان خواتین کے لیے ایک بہترین رول ماڈل قراردیاگیا۔مہمانِ خصوصی نے تربیت مکمل کرنے والی تمام لیڈی سولجرز اور ان کے اہل خانہ کو مبارکباد پیش کرتے ہوئے کہا کہ مقامی خواتین کی ایف سی میں بڑھتی ہوئی نمائندگی قابلِ فخر ہے۔
پریڈ میں قبائلی عمائدین، سول سوسائٹی اور معزز شخصیات کی شرکت نے ایف سی اور عوام کے باہمی اعتماد کو مزید تقویت دی۔تقریب کے اختتام پر نمایاں کارکردگی کا مظاہرہ کرنے والی لیڈی سولجرز میں خصوصی انعامات بھی تقسیم کیے گئے ۔مقامی بلوچ لیڈیز بیچ کی شمولیت، ایف سی بلوچستان نارتھ میں مقامی خواتین کی بڑھتی ہوئی نمائندگی کا مظہر ہے۔