فیصل آباد :ایک روزہ کرکٹ سیریز، پاکستان اور جنوبی افریقہ کا دوسرا میچ کل بروز جمعرات کھیلا جائیگا۔
تفصیلات کے ایک روزہ کرکٹ سیریز میں پاکستان اور جنوبی افریقہ کے۔ابین دوسرا میچ آج بروز جمعرات اقبال سٹیڈیم فیصل آباد میں کھیلا جائیگا۔ پاکستان کو سیریز میں ایک صفر سے برتری حاصل ہے اس میدان میں مجموعی طور پر 17 ون ڈے انٹرنیشنل کھیلے جاچکے ہیں۔
پاکستان نے اقبال سٹیڈیم میں 13 ون ڈے انٹرنیشنل کھیلے ہیں جن میں سے 10 جیتے ہیں اور 3 ہارے ہیں۔جنوبی افریقہ کی ٹیم نے یہاں 6 ون ڈے انٹرنیشنل کھیلے ہیں 2 جیتے ہیں 4 میں اسے شکست ہوئی ہے۔اس سے قبل دونوں ٹیمیں ٹیسٹ اور ٹی ٹوئنٹی سیریز کھیل چکی ہیں۔ ٹیسٹ سیریز 1،1 سے برابر رہی تھی جبکہ پاکستان نے ٹی ٹوئنٹی سیریز دو ایک سے اپنے نام کی۔
پاکستان سکواڈ میں شاہین شاہ آفریدی (کپتان)،ابرار احمد، بابراعظم، فہیم اشرف، فیصل اکرم، فخرزمان، حارث رؤف، حسیب اللہ، حسن نواز، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب اور سلمان علی آغا شامل ہیں۔