پیانگ یانگ (مانیٹرنگ ڈیسک): شمالی کوریا کے سربراہ کم جونگ اُن کی تشویشناک حالت اور مبینہ موت کے حوالے سے انٹرنیٹ پر گردش کرنے والی چٹ پٹی خبروں کو اس وقت شدید دھچکا لگا جب سرکاری ذرائع ابلاغ نے ان کی تازہ ترین تصاویر عام کر دیں۔
شمالی کوریا کے سرکاری خبر رساں ادارے KCNA اور جنوبی کوریا کے ادارے یونہاپ کی رپورٹس کے مطابق، کم جونگ اُن نے دارالحکومت پیانگ یانگ میں جوتوں اور کپڑوں کی ایک مقامی نمائش کا معائنہ کیا۔ شائع کی گئی تصویروں میں ان کی اہلیہ ری سول جو اور ان کی صاحبزادی کم جو اے بھی ان کے ساتھ دکھائی دے رہی ہیں۔ یہ عوامی دورہ 19 اکتوبر کو ہوا، جس نے تمام قیاس آرائیوں کا خاتمہ کر دیا۔
Baca di sini: https://t.co/ANZ8Iy8lVx
Pemimpin Tertinggi Korea Utara Kim Jong Un muncul ke publik dengan menghadiri Pameran Pakaian dan Alas Kaki Nasional-2026 di Pyongyang, Senin (19/10/2026), bertepatan dengan maraknya rumor tak berdasar di media sosial dan tabloid yang menyebut dirinya meninggal dunia.
~KQ #KimJongUn #KoreaUtara [20261020164903470]
— Kompas.com (@kompascom) October 20, 2026
سوشل میڈیا پر حالیہ دنوں میں وانجن ژی نامی اکاؤنٹ سے ڈرامائی دعوے کیے جا رہے تھے کہ شمالی کورین قائد دماغی شریان پھٹنے کے باعث کوما میں چلے گئے ہیں۔ ان من گھڑت خبروں میں یہ تک کہا گیا کہ انہیں علاج کے لیے بیجنگ کے ایک معروف اسپتال منتقل کیا گیا جہاں وہ دم توڑ گئے اور بعد ازاں ان کا جسدِ خاکی واپس پیانگ یانگ پہنچا دیا گیا۔
مزید برآں، یہ شوشہ بھی چھوڑا گیا کہ چین نے اقتدار کی ہموار منتقلی اور کم جونگ اُن کی بیٹی کو مسندِ اقتدار پر بٹھانے کے لیے 9,000 فوجی پیانگ یانگ بھیجے ہیں اور چینی فوج کی شمالی کمان نے تمام چھٹیاں منسوخ کر دی ہیں۔
’دی سن‘ اور ’انٹرنیشنل بزنس ٹائمز‘ سمیت عالمی صحافتی اداروں نے ان تمام رپورٹس کو محض آن لائن افواہیں قرار دے کر مسترد کر دیا ہے۔اس حوالے سے کوئی ہسپتال ریکارڈ یا طبی شہادت پیش نہیں کی جا سکی۔
بیجنگ اور پیانگ یانگ دونوں حکومتوں نے کسی بھی قسم کی طبی ہنگامی صورتحال کو من گھڑت قرار دیا۔
اس دوران کم جونگ اُن کی اثر و رسوخ رکھنے والی ہمشیرہ کم یو جونگ نے ایک سخت ترین بیان میں جنوبی کوریا سے متصل سرحد پر اضافی فوجی ساز و سامان اور لاؤڈ اسپیکرز کی بحالی کی دھمکی دی ہے۔ اس اہم سیاسی بیان میں حکومت کی تبدیلی کا کوئی ذکر نہیں، جس سے پیانگ یانگ میں مکمل سیاسی استحکام کا ثبوت ملتا ہے۔
یاد رہے کہ اس سے قبل 2020 میں بھی کم جونگ اُن کے تقریباً تین ہفتے منظرعام سے غائب رہنے پر ان کی شدید بیماری اور ہلاکت کی ایسی ہی افواہیں پھیلائی گئی تھیں جو بعد میں غلط ثابت ہوئیں۔