نواب شاہ (رپورٹ: نفیس آرائیں)
سانگھڑ روڈ پر خان پٹرول پمپ کے قریب ٹرک اور موٹرسائیکل کے درمیان ہونے والے خوفناک تصادم کے نتیجے میں ایک شخص جاں بحق ہوگیا۔ابتدائی اطلاعات کے مطابق موٹرسائیکل سوار ٹرک کی زد میں آکر بری طرح کچلا گیا اور موقع پر ہی دم توڑ گیا۔ اطلاع ملنے پر امدادی ٹیمیں اور پولیس موقع پر پہنچ گئیں اور ضروری کارروائی عمل میں لائی گئی۔ایدھی ذرائع کے مطابق جاں بحق ہونے والے شخص کی شناخت اسد اللہ سیال کے نام سے ہوئی ہے۔ پولیس نے واقعے کی مزید تحقیقات شروع کر دی ہیں جبکہ لاش کو قانونی کارروائی کے لیے اسپتال منتقل کر دیا گیا۔