منچن آباد ( حاجی فضل محمودانجم بیورو چیف سے)
منچن آباد شہر میں مدنی چوک سے لیکر پرانے بس اڈے تک علاقے کو حکومت پنجاب کی طرف سے ماڈل بازار کا اسٹیٹس دیا گیا ہے اور انتظامیہ نے ساری سختی بھی اسی مین بازار لاری اڈا تا مدنی چوک تک رکھی ہوئی ہے۔اسی سختی اور بیجا مداخلت کی بنا پر آج اس بازار کے تاجروں کی طرف سے مکمل ہڑتال رہی اور احتجاج کیا گیا۔ مزید براں عوام اور شہر کے سیاسی و سماجی اور تاجر حلقوں کا یہ کہنا ہے کہ ” کیا ابوبکر چوک اور دوسرے علاقے انکی حدود میں نہیں آتے جہاں چوکوں میں گھوڑے کے ماڈلز کی جگہ گند کی ٹوکریاں سجائی ہوئی ہیں۔” انکا کہنا ہے کہ کچھ توجہ شہر کے دوسرے علاقوں کی طرف بھی ہونا چاہیئے صرف ایک علاقے کو فوکس کرنا اور یہ ثابت کرنا کہ پنجاب حکومت شہروں پر بہت توجہ دے رہی ہے یہ نا انصافی ہے۔انکا مطالبہ ہے کہ کسی ایک مخصوص علاقے کی بجائے سارے شہر پر توجہ دی جائے تاکہ دوسرے علاقے بھی سہولیات سے محروم نہ رہیں۔