جھڈو اور نواں کوٹ تھانے میں منشیات فروشوں کیخلاف کارروائیاں، متعدد گرفتار مقدمات درج

جھڈو( رپورٹ / قیصر راجہ راجپوت )

ایس ایچ او جھڈو شاہنواز خاصخیلی کی ہمراہ ٹیم متعلقہ تھانے کی حدود 05 الگ الگ مقامات پر منشیات فروش عناصر کے خلاف کامیاب کاروائیاں، 03 ملزمان گرفتار جبکہ 03 فرارہوگئے۔
ملزمان کے قبضے سے مضر صحت گٹکے، سفینہ اور بڑی مقدار میں دیسی شراب برآمد کرلی گئی . اسی طرح گوگھ موری کے قریب چوری کے کیس میں ملوث فرار ملزم محمد علی کھوسو کو گرفتار کرکے اس سےایک 30 بور پسٹل ار گولیاں برآمد کی گئیں. ایک ملزم میر صدام ٹالپر کو گرفتار کرکے ملزم کے قبضے 660 ساشے سفینہ گٹکے برآمد کرلیے جبکہ ملزم کا ساتھی کاشف قائمخانی فرار ہونے میں کامیاب ہو گیا. سامارو روڈ دیھ 317 میں کامیاب کاروائی کرتے ہوئے شراب فروش ملزم بنام جموں لباری کو گرفتار کرکے ملزم کے قبضے سے 15 پنٹ وسکی شراب برآمد کی گئی.
دیھ 371 میں دیسی شراب کی بھٹی پر کاروائی کرتے ہوئے 2210 لیٹر دیسی شراب برآمد کی گئی جبکہ ملزم بنام نیک محمد کھوسو فرار ہونے میں کامیاب ہوگیا. دیھ 371 میں دیسی شراب کی بھٹی پر کاروائی کرتے ہوئے 1810 لیٹرز دیسی شراب برآمد کی گئی جبکہ ملزم بنام انور علی کھوسو فرار ہونے میں کامیاب ہوگیا.
گرفتار اور فرار ملزمان کے خلاف الگ الگ مقدمات درج کر لئے گئے جبکہ فرار ملزم کی گرفتاری کے لیے کوششیں جاری ہیں ایس ایچ او نوکوٹ سلیم سراج سموں نے بھی متعلقہ تھانے کی حدود میں منشیات و دیسی شراب فروش عناصر کے خلاف کامیاب کاروائیاں کرتے ہوئے 04 ملزمان کو گرفتار کرکے ان سے دیسی شراب اور مضر صحت گٹکے برآمد کرلئے . خواجہ موڑ سےروشن ٹنگری ،اسمائیل ٹنگری کو گرفتار کرکے ملزمان کے قبضے سے 120 عدد مضر صحت گٹکے برآمد کرلیے گئے. دیھ 359 میں دیسی شراب برآمد کرکے ملزم محمد آمین عرف مانک ٹنگری اور علی بخش ٹنگری کو گرفتار کرلیا گیا۔ملزمان کے خلاف متعلقہ دفعات کے تحت مقدمات درج کرکے پولیس مصروف تفتیش ہے۔.