تہران :ایران نے امریکا کے سب سےجدید جنگی طیارے ایف 35 کو نشانہ بنانے کا دعویٰ کیا ہے، پاسدارانِ انقلاب کا کہنا ہے کہ اس نے دنیا کے جدید ترین جنگی طیارے ایف 35 کو نشانہ بنایا اور اسے شدید نقصان پہنچایا۔
بیان میں کہا گیا کہ طیارہ ایرانی حملے کی زد میں آیا۔ امریکی نشریاتی ادارے سی این این کے مطابق ایک امریکی ایف 35 طیارے کو ایرانی فائر کا نشانہ بنائے جانے کے بعد مشرقِ وسطیٰ میں واقع ایک فوجی اڈے پر ہنگامی لینڈنگ کرنا پڑی۔
ذرائع کا کہنا ہے کہ واقعہ اس وقت پیش آیا جب طیارہ جنگی مشن پر تھا۔
اس معاملے سے واقف دو ذرائع نے سی سی این کو بتایا کہ ایک امریکی F-35 لڑاکا طیارے نے مشرق وسطیٰ میں امریکی فضائی اڈے پر ہنگامی لینڈنگ کی جب اسے ایرانی فائر کا نشانہ بنایا گیا۔ امریکی سینٹرل کمانڈ کے ترجمان کیپٹن ٹم ہاکنز نے کہا کہ ففتھ جنریشن کے اسٹیلتھ جیٹ "ایران کے اوپر جنگی مشن پر پرواز کر رہا تھا” جب اسے ہنگامی لینڈنگ کرنے پر مجبور کیا گیا۔ ہاکنز نے کہا کہ طیارہ بحفاظت لینڈ کر گیا اور واقعے کی تحقیقات جاری ہیں۔ ہاکنز نے مزید کہا کہ "طیارہ بحفاظت لینڈ کر گیا، اور پائلٹ کی حالت مستحکم ہے یہ واقعہ زیر تفتیش ہے۔