واشنگٹن :ایک امریکی وفاقی جج نے ڈونلڈ ٹرمپ انتظامیہ کو حکم دیا ہے کہ وائس آف امریکا کے ایک ہزار سے زائد ملازمین کو دوبارہ کام پر بحال کیا جائے اور اس سرکاری مالی اعانت سے چلنے والے میڈیا ادارے کی نشریات بحال کی جائیں۔
ڈسٹرکٹ جج رائس لیمبرتھ کا یہ حکم منگل کو اس فیصلے کے 10 دن بعد آیا ہے جس میں انہوں نے قرار دیا تھا کہ صدر ٹرمپ کی جانب سے وائس آف امریکا میں بڑے پیمانے پر برطرفیوں کی نگرانی کے لیے تعینات شخص کی تقرری غیر قانونی تھی، جس کے باعث ملازمتوں میں کٹوتی بھی غیر مؤثر ہو گئی۔
سابق ٹی وی اینکر کیری لیک نے، ٹرمپ کی جانب سے یو ایس ایجنسی فار گلوبل میڈیا کی سربراہی سنبھالنے کے بعد، ملازمتوں اور فنڈنگ میں کمی کر دی تھی۔
یہ ادارہ وی او اے کے علاوہ ریڈیو فری یورپ اور ریڈیو فری یورپ سمیت دیگر نشریاتی ادارے چلاتا ہے۔
جج لیمبرتھ، جنہیں ریپبلکن صدر نے مقرر کیا تھا، نے حکم دیا کہ گذشتہ ایک سال سے تنخواہ کے ساتھ انتظامی چھٹی پر موجود 1,042 ملازمین کو 23 مارچ تک بحال کیا جائے۔
عدالت نےیو ایس ایجنسی فار گلوبل میڈیا کو یہ بھی ہدایت کی کہ وہ اگلے ہفتے تک بین الاقوامی نشریات بحال کرنے کے لیے ایک منصوبہ پیش کرے۔
"ٹرمپ کا وار الٹا پڑ گیا”: وائس آف امریکا میں بڑے پیمانے پر برطرفیاں غیر قانونی قرار، 1000 ملازمین کی واپسی!
