اسلام آباد: افغان مہاجرین کی باعزت وطن واپسی کا سلسلہ تیزی سے جاری ہے۔ سرکاری اعداد و شمار کے مطابق اب تک تقریباً 15 لاکھ 60 ہزار افغان مہاجرین واپس اپنے وطن جا چکے ہیں۔
گزشتہ روز صرف چمن بارڈر سے تقریباً 10 ہزار 700 افغان مہاجرین کو باعزت طریقے سے افغانستان روانہ کیا گیا۔ واپسی کا یہ سلسلہ طورخم سرحد سے شروع کیا گیا تھا۔انتظامیہ کے مطابق ہر افغان شہری کی دستاویزات کی مکمل تصدیق کے بعد ہی سرحد عبور کرنے کی اجازت دی جا رہی ہے۔چمن کے بعد آج سے طورخم سرحد سے بھی افغان مہاجرین کی واپسی شروع کر دیا گیا سرکاری اعداد و شمار کے مطابق اب تک تقریباََ 15 لاکھ 60 ہزار افغان مہاجرین کی وطن واپسی ہو چکی ہے۔
واپسی کے عمل کو سہل بنانے کے لیے فرنٹیئر کور اور سول انتظامیہ کی جانب سے مہاجرین کے لیے رہائش اور کھانے کا انتظام بھی کیا گیا ہے۔ذرائع کے مطابق افغان مہاجرین کی واپسی کا یہ اقدام پاکستان نے اپنی قومی سلامتی اور داخلی استحکام کو مدنظر رکھتے ہوئے اٹھایا ہے۔
حکومتِ پاکستان نے واضح کیا ہے کہ اب ملک میں بغیر پاسپورٹ اور ویزہ کے کسی بھی افغان شہری کا داخلہ ممکن نہیں ہوگا۔