اسلام آباد۔:اینٹی نارکوٹکس فورس (اے این ایف )نے ملک کے مختلف شہروں میں منشیات اسمگلنگ کے خلاف کریک ڈاؤن کرتےہوئےکارروائیوں میں ایک کروڑ 85 لاکھ روپے سے زائد مالیت کی205.291 کلوگرام منشیات برآمد کرکے 6 ملزمان کو گرفتار کر لیا۔
ترجمان اے این ایف کے مطابق علامہ اقبال ائیرپورٹ پر عمرہ کی ادائیگی کیلئے جدہ جانیوالے مسافر کے پیٹ سے 0.562 کلوگرام ہیروئن ،0.219کلوگرام وزنی آئس بھرے 94 عدد کیپسولز برآمد کرلیے ۔
علامہ اقبال ائیرپورٹ پر ایک اور کارروائی کے دوران عمرہ کی ادائیگی کیلئے جدہ جانیوالے مسافر کے پیٹ سے 0.442 کلوگرام وزنی 73 عدد ہیروئن بھرے کیپسولز برآمد کرلیے گئے۔چکلالہ گیریژن راولپنڈی میں واقع کوریئر آفس میں برطانیہ سے آنیوالے پارسل سے68 گرام ویڈ برآمد کرلی ۔کالا شاہ کاکو ٹول پلازہ کے قریب گاڑی سے 120کلوگرام چرس اور 30 کلو افیون برآمد کرکے ملزم کو گرفتار کر لیا۔
باچا آغا بازار بالیلی کوئٹہ کے قریب گاڑی سے 30 کلوگرام چرس برآمد کرکے ملزم کو گرفتار کرلیا۔بنوں کوہاٹ روڈ پنڈی ُپل کے قریب ملزم کے قبضے سے 14.400 کلوگرام چرس اور 3.6 کلوگرام افیون برآمد کرلی جبکہ رئیس گوٹھ حب روڈ کراچی کے قریب ملزم کے قبضے سے 6 کلوگرام چرس برآمد کرلی۔ان کارروائیوں کا انسداد منشیات ایکٹ 1997 کے تحت مقدمات درج کر کے تحقیقات کا آغاز کر دیا گیا ہے۔