لاہور( حافظ نعیم سے ) وزیراعلی مریم نوازشریف کی جانب سے شہر میں الیکٹرونک بل بورڈز وزیراعظم شہباز شریف اور فیلڈ مارشل سید عاصم منیر کے حق میں خیرمقدمی مہم کا آغاز کر دیا گیا۔
الیکڑانک بورڈز پر وزیراعلی مریم نواز شریف کی طرف سے پاکستان اور سعودی عرب کے درمیان دوطرفہ دفاع کے سٹریٹجک معاہدے کا خیرمقدم کیا گیا ہے۔
"پنجاب آپ کو خوش آمدید کہتا ہے” کے عنوان سے وزیراعظم شہباز شریف کی عالمی سطح پر کامیابیوں کا خیر مقدم کیا گیا ہے۔
الیکٹرانک بورڈز پر پاکستان مسلم لیگ (ن) کے صدر محمد نواز شریف، وزیراعظم شہباز شریف اور فیلڈ مارشل سید عاصم منیر کی تصاویر دکھائی گئی ہیں۔
الیکٹرانک بورڈز پر سعودی عرب کے ولی عہد شہزادہ محمد بن سلمان اور وزیراعظم شہباز شریف کی تصویر بھی دکھائی گئی ہے۔
یہ الیکٹرانک بورڈز لاہور کے مختلف مرکزی راستوں، شاہراہوں اور چوراہوں پر نصب کئے گئے ہیں۔