اسلام آباد :ایف آئی اے نے انتہائی مطلوب انسانی سمگلرز کی 13ویں ریڈ بک جاری کر دی، ایف آئی اے کو مختلف مقدمات میں ریڈ بک کے 143 انسانی سمگلرز مطلوب ہیں۔
ہفتہ کو ترجمان ایف آئی اے کے مطابق انتہائی مطلوب انسانی سمگلرز کے خلاف ایف آئی اے کے اینٹی ہیومن ٹریفکنگ سرکلز میں متعدد مقدمات درج ہیں، ایف آئی اے لاہور زون کو 14،گجرانوالہ زون کو 70، فیصل آباد زون کو 13، ملتان زون کو ریڈ بک کے 3 انسانی سمگلرز مطلوب ہیں۔
اسلام آباد زون کو 25، کراچی زون کو 10، بلوچستان اور کے پی زون کو 1، 1 جبکہ کوہاٹ زون کو 6 ریڈ بک کے انسانی سمگلرز مطلوب ہیں۔سال 2023 کی ریڈ بک میں شامل انتہائی مطلوب 51 انسانی سمگلروں کو ابتک گرفتار کیا جا چکا ہے، ریڈ بک کے انتہائی مطلوب انسانی سمگلرز کی گرفتاری کے لئے خصوصی کریک ڈائون جاری ہے۔ انہوں نے کہا کہ ملزمان کی گرفتاری کے لئے خصوصی چھاپہ مار ٹیمیں تشکیل دی گئی ہیں، انتہائی مطلوب انسانی سمگلرز کے شناختی کارڈ اور پاسپورٹس بھی بلیک لسٹ کئے گئے ہیں، بیرون ملک فرار ہونے والے انسانی سمگلروں کی گرفتاری کے لئے ریڈ نوٹسز بھی جاری کئے گئے ہیں۔