کوئٹہ :جنوبی وزیرستان میں دہشت گردوں کے خلاف بہادری سے لڑتے ہوئے جامِ شہادت نوش کرنے والے سپاہی نصر اللہ اور سپاہی روزی خان کو ان کے آبائی علاقوں بلوچستان کے پشین اور بارکھان میں فوجی اعزاز کے ساتھ سپردِ خاک کر دیا گیا۔
نمازِ جنازہ میں شہداء کے لواحقین، سول و عسکری حکام، علاقہ عمائدین اور عوام کی بڑی تعداد نے شرکت کی اور وطن کے بہادر سپوتوں کو شاندار خراجِ عقیدت پیش کیا۔صدرِ پاکستان، چیف آف آرمی اسٹاف اور سینئر فوجی افسران کی جانب سے شہداء کی قبروں پر پھولوں کی چادریں چڑھائی گئیں۔
وطنِ عزیز کو دہشت گردی کے ناسور سے مکمل طور پر پاک کرنے تک قربانیوں کا یہ سفر جاری رہے گا۔