لاہور: ڈرگ فری پنجاب کے مشن پر کاربند لاہور سمیت صوبہ بھر میں پنجاب پولیس کے انسداد منشیات آپریشنز جاری،24 گھنٹوں کے دوران منشیات فروشوں کے ٹھکانوں پر 245 چھاپے، 136 منشیات فروش گرفتار کرلئے گئے۔
ترجمان پنجاب پولیس کے مطابق منشیات فروشوں سے 83 کلو گرام چرس، 9 کلو گرام آئس برآمد کی گئی ہے جبکہ منشیات فروشوں سے 6 کلو گرام ہیروئن، 1118 لیٹر شراب بھی برآمد کی گئی۔
آئی جی پنجاب ڈاکٹر عثمان انور نے منشیات ڈیلرز و سمگلرز کے خلاف سپیشل آپریشنز تیزی سے جاری رکھنے کی ہدایت جاری کرتے ہوئے کہا ہے کہ سپلائی چین میں ملوث تمام ملزمان کو قانون کی گرفت میں لا کر سخت سزائیں دلوائی جائیں جبکہ تعلیمی اداروں اور ہاسٹلز کے گردونواح میں منشیات فروشی میں ملوث افراد کے خلاف کاروائیوں میں تیزی لائی جائے۔