ملتان :(حافظ نعیم سے ) وزیراعلی پنجاب مریم نوازشریف کا قاسم بیلا ریلیف کیمپ کا دورہ ، سیلاب متاثرہ بچوں اور خواتین میں گھل مل گئیں ،بچوں کو اپنے ہاتھ سے جوتے پہنائے۔
رپورٹ کے مطابق دورے کےموقع پر وزیراعلیٰ مریم نواز شریف نے بچوں میں چاکلیٹ، بسکٹ، وردی پیک تقسیم کیے جبکہ
خواتین کو ملبوسات اوردیگر تحائف پیش کیے۔
دورے کے موقع پر وزیراعلیٰ مریم نواز شریف فلڈ کیمپ میں ننھے بچوں کے درمیان بیٹھ گئیں ان سے گپ شپ کی اور مختلف سوال پوچھے انہوں نے بچوں سے حروف تہجی کے بارے میں بھی دریافت کیا۔
وزیراعلیٰ مریم نواز شریف نے متاثرہ خاندانوں سے مسائل اور ضروریات کے بارے میں دریافت کیا اور خواتین کو گھروں کی بحالی کے لئے اقدامات کا یقین دلایا۔
اس موقع پر وزیراعلیٰ مریم نواز شریف نے قاسم بیلہ فلڈ ریلیف کیمپ میں ہیلتھ، ریسکیو اور دیگر کاؤنٹرز کا جائزہ لیا۔وزیراعلیٰ مریم نواز شریف کا ٹینٹوں میں صفائی اور دیگر انتظامات اظہار اطمینان کیا ۔
کمشنر ملتان عامر کریم اور ڈپٹی کمشنر وسیم سندھو نے وزیراعلیٰ مریم نواز شریف کو انتظامات کے بارے میں بتایا
وزیراعلیٰ مریم نواز شریف نے انتظامیہ کو بچوں کے لئے کھانا، دودھ اور دیگر ضروریات پوری کرنے کی ہدایت کی ۔