بلوچستان رحمت اللہ بلوچ بیوروچیف بے نقاب نیوز)
یومِ دفاع پاکستان | شہداء کو سلام
ہیڈ کوارٹر ایف سی بلوچستان (ساؤتھ)، تربت میں یومِ دفاع کی پروقار تقریب
6 ستمبر کے موقع پر ہیڈ کوارٹر ایف سی بلوچستان (ساؤتھ) تربت میں شاندار تقریب کا انعقاد کیا گیا، جس میں جنوبی بلوچستان کے شہداء کے اہلِ خانہ نے خصوصی شرکت کی۔
آئی جی ایف سی بلوچستان (ساؤتھ) نے شہداء کے لواحقین کے ہمراہ یادگارِ شہداء پر پھولوں کی چادر چڑھائی اور فاتحہ خوانی کی۔
شہداء کے اہلِ خانہ سے ملاقات کے دوران ان کے عزم و حوصلے کو خراجِ تحسین پیش کیا گیا اور اس عہد کا اعادہ کیا گیا کہ شہداء کی قربانیاں کبھی رائیگاں نہیں جائیں گی۔
شہداء کی قربانیاں قوم کا قیمتی سرمایہ اور پاکستان کا حقیقی فخر ہیں۔